[娛樂] 羅力威 羽翹 甜蜜嘆點心 (20110816)

羽翹偷嗒 Cap帽男( 2011-08-16 )
羽翹、羅力威甜蜜嘆點心


[轉載/Youtube] 愛將自拍唱歌片段放上YouTube的羽翹，今年5月首次開演唱會，並邀得《亞洲星光大道》出身的羅力威做嘉賓，兩人同屬唱作人，未知是否合作擦出愛火，前日黃昏兩人相約嘆點心約會，羅力威更盡顯紳士風度付款。羽翹否認戀情，但她直認喜歡有才華的男士。

現年26歲的羽翹初出道時走o靚模路線，但由於o靚模輩出，加上她熱愛創作及唱歌，所以近年轉戰做歌手，平日更愛將自家作品放上YouTube公諸同好，點擊率十分高，所以獲封為YouTube女王。

隱蔽談心主動拖手
今年5月羽翹獲老闆力挺在柴灣青年廣場舉行兩場演唱會，邀請了《亞洲星光大道》出身的羅力威擔任個唱嘉賓，及後羅力威開個唱，羽翹又即回禮擔任其表演嘉賓。未知兩人是否因頻頻合作的關係，所以漸趨親密，前日兩人被發現在黃埔偷偷約會。
前日約傍晚6時，羅力威和羽翹到黃埔的方太點心嘆點心，羅力威入店時刻意揀選隱蔽的角落位，避免妨礙兩人約會，顯得十分細心。由於當時餐廳甚少客人，所以兩人傾得甚投契，大約食了半小時，羅力威盡顯紳士風度搶先付款，之後兩人乘的士離開。
雖然羽翹和羅力威的行為未算親暱，但據知羽翹在店內曾主動出擊暗拖羅的手。

「鍾意有才華男仔」
事後羽翹接受電話訪問時否認戀情，亦不覺得羅力威有追求之意，她說：「我哋嚟緊有合作，可能佢作歌我題詞，同佢未係好熟，不過自己鍾意有才華同好瘦嘅男仔，家我係open畀任何人追求。」羽翹透露將於月尾推出新專輯，並計劃再開音樂會。